માસુમ ચૌધરી (અરવલ્લી સમાચાર)
તાજેતરમાં મુંબઈના જુહુ ખાતે બૉલીવુડ આઇકોનીક એચિવમેન્ટ એવોર્ડ સમારંભ ખૂબ રંગેચંગે ઉજવવામાં આવ્યો. જેમાં સાબરકાંઠાના ભામાશા અને દાનવીર તરીકે ઓળખાતા બી.ઝેડ (BZ) ગ્રુપના સી.ઈઓ. ભુપેન્દ્રસિંહ ઝાલાએ હાજરી આપી હતી. જેમાં, જાણીતી શ્રેષ્ઠીઓ ઉપસ્થિત રહી હતી. આ પ્રસંગે બૉલીવુડ સુપરસ્ટાર અને કોરોના કાળમાં સેવાકીય કાર્યોમાં અગ્રેસર રહેનાર અભિનેતા સોનુ સૂદ દ્વારા ભુપેન્દ્રસિંહ ઝાલાની સેવાકીય કામગીરીને બિરદાવી એવોર્ડ આપી સન્માનિત કરવામાં આવ્યા હતા. તેમજ શુભેચ્છાઓ પાઠવામાં આવી હતી. આ પ્રસંગે ભુપેન્દ્રસિંહ ઝાલા દ્વારા અભિનેતા સોનુ સુદને તેમનો ફોટો સ્મૃતિ રૂપે ભેટ કરવામાં આવ્યો હતો.
ભુપેન્દ્રસિંહ ઝાલા (BZ)ને એવોર્ડથી સન્માનિત કરતા સમગ્ર પંથકમાં અને ચાહક વર્ગમાં ખુશીની લાગણી ફેલાતાં તેમના મિત્ર વર્તુળ અને લોકોએ શુભેચ્છાઓ પાઠવી હતી. ત્યારે જણાવી દઈએ કે, તાજેતરમાં ભુપેન્દ્રસિંહ ઝાલાના જન્મ દિવસે તેમણે આ વર્ષમાં નિરાધાર અને અસહાય લોકોને 100 થી 200 મકાન બનાવી આપવાની જાહેરાત કરી છે. જે, સંસ્થા દ્વારા ટૂંક સમયમાં શરૂ થશે.
