-
કોઈપણ નોકરીનો મૂળ ઉદ્દેશ્ય સેલેરી મેળવવાનો હોય છે. -
સેલેરી શબ્દની શરૂઆત ક્યાંથી અને કેવી રીતે થઈ? -
મીઠાંના કારણે પગારનું નામ પડ્યું Salary
કોઈપણ કામ કરનાર વ્યક્તિના જીવનમાં પગાર સૌથી મહત્વની ભૂમિકા ભજવે છે. જેને અંગ્રેજીમાં Salary કહેવામાં આવે છે. દર મહિનાના અંતે લોકો તેમની સેલેરીની રાહ જુએ છે. પરંતુ શું તમે જાણો છો કે આ સેલેરી શબ્દ ક્યાંથી આવ્યો? આજે અમે તમને જણાવીશું કે કેવી રીતે પગારના નામે મીઠું લેવાથી લઈને સેલેરી સુધી પહોંચ્યા.
પગારના રૂપે મળતું હતું મીઠું
તમને જણાવી દઈએ કે પ્રાચીન રોમમાં પૈસાની જગ્યાએ મીઠાનો ઉપયોગ થતો હતો. તે સમયે, રોમન સામ્રાજ્ય માટે કામ કરતા સૈનિકોને તેમના કામના મહેનતાણા તરીકે મીઠું આપવામાં આવતું હતું. એવું માનવામાં આવે છે કે ‘મીઠાનું ઋણ’ જેવી કહેવત અહીંથી શરૂ થઈ હતી.
કેવી રીતે આવ્યું સેલેરીનું નામ?
ઈન્ડિયા ટુડેના એક અહેવાલ અનુસાર, રોમન ઈતિહાસકાર પ્લિની ધ એલ્ડર તેમના પુસ્તક નેચરલ હિસ્ટ્રીમાં લખે છે કે અગાઉ રોમમાં સૈનિકોને મીઠાના રૂપમાં ચૂકવણી કરવામાં આવતી હતી. આ રીતે સેલેરી બન્યો. કહેવાય છે કે Salt શબ્દથી Salary શબ્દ આવ્યો છે. ઘણા અહેવાલોમાં એવો દાવો કરવામાં આવ્યો છે કે Soldier શબ્દ લેટિન શબ્દ ‘sal dare’ થી બન્યો છે, જેનો અર્થ મીઠું આપવાથી પણ છે. રોમન ભાષામાં મીઠાને સેલેરિયમ કહેવાય છે, તેના પરથી સેલેરી શબ્દ બન્યો છે.
જ્યારે વેતનના રૂપે મળતું હતું મીઠું
ફ્રેન્ચ ઈતિહાસકારો માને છે કે 10,000 ઈસા પૂર્વ અને 6,000 ઈસા પૂર્વ વચ્ચે પહેલીવાર વખત વેતન આપવામાં આવ્યું હતું. પ્રાચીન રોમમાં, લોકોને કામના બદલામાં પૈસા અથવા ચલણના બદલામાં મીઠું આપવામાં આવતું હતું. તે સમયે, રોમન સામ્રાજ્યના સૈનિકોને ફરજના બદલામાં પગાર તરીકે મુઠ્ઠીભર મીઠું આપવામાં આવતું હતું. તે સમયે મીઠાનો વેપાર પણ થતો હતો. આ પહેલા, વેતન વિશે વધુ માહિતી મળતી નથી.
મીઠું મળવું એટલે વફાદારી
હિબ્રુ પુસ્તક એઝારામાં 550 અને 450 ઈસા પૂર્વનો ઉલ્લેખ છે. જેમાં લખ્યું છે કે જો તમે કોઈની પાસેથી મીઠું લો છો તો તે પગાર લેવા બરાબર છે. તે સમયે મીઠું ખૂબ મહત્વનું હતું. એક સમયે, ફક્ત શાસન કરનારાઓને જ મીઠા પર અધિકાર હતો. આ પુસ્તકમાં, એક પ્રખ્યાત પર્સિયન રાજા આર્ટાક્સેર્ક્સિસ પ્રથમનો ઉલ્લેખ છે, જેના સેવકો, તેમની વફાદારી સમજાવતી વખતે, કહે છે કે અમને રાજા પાસેથી મીઠું મળે છે. તેથી જ તેઓ તેમને સમર્પિત અને વફાદાર છે.
