માસુમ ચૌધરી (અરવલ્લી સમાચાર)
લસણ જેનો ઉપયોગ રસોઈમાં નિયમિત કરવામાં આવે છે તે ઔષધીય ગુણથી ભરપૂર વસ્તુ છે. લસણનું સેવન કરવાથી કેટલીક બીમારીઓમાં ખૂબ જ ફાયદો થાય છે. ભોજનનો સ્વાદ વધારતું લસણ સ્વાસ્થ્ય સમસ્યા દૂર પણ કરી શકે છે. લસણથી થતા ફાયદા વિશે ઘણા બધા લોકો જાણે છે તેથી તેઓ સવારે ખાલી પેટ લસણ ખાતા હોય છે. પરંતુ લસણ સવારે ખાલી પેટ ખાવાને બદલે જો રોજ બપોરે જમ્યા પહેલા ખાવામાં આવે તો તેનાથી ચમત્કારી ફાયદા થાય છે.
રોજ બપોરે જમ્યા પહેલા 3 કળી લસણની ગળી જવાથી શરીરની એક, બે નહીં 9 સમસ્યામાં ફાયદો થાય છે. આજે તમને જણાવીએ જો બપોરે જમ્યા પહેલા તમે 3 કળી લસણની ગળી જાઓ છો તો તેનાથી શરીરના કયા કયા અંગોને ફાયદો થાય છે.
જમ્યા પહેલા 3 કળી લસણ ખાવાથી થતા ફાયદા
1. લસણ હાર્ટના પેશન્ટ માટે ખૂબ જ ફાયદાકારક વસ્તુ છે. નિયમિત જમ્યા પહેલા 3 કળી લસણ ગળી જવાથી હૃદયની બીમારી થવાનું જોખમ ઘટી જાય છે. લસણમાં એવા પોષક તત્વો હોય છે જે બ્લડપ્રેશરને કંટ્રોલ કરે છે અને બેડ કોલેસ્ટ્રોલને ઘટાડે છે.
2. લસણ એન્ટિઓક્સિડન્ટથી ભરપૂર હોય છે જે શરીરમાં કેન્સરની કોશિકાઓના વિકાસને અટકાવે છે. જો બપોરે જમ્યા પહેલા 3 કળી લસણની ખાવામાં આવે તો કેન્સર થવાનું જોખમ ઘટી શકે છે.
3. લસણ એક પ્રાકૃતિક એન્ટિબાયોટિક છે. તે શરીરને સંક્રમણ સામે લડવાની ક્ષમતા આપે છે. તેનાથી રોગપ્રતિકારક ક્ષમતા મજબૂત થાય છે. લસણ નિયમિત ખાવાથી શરદી ઉધરસથી લઈને સામાન્ય સંક્રમણ દવા વિના મટી જાય છે.
4. જે લોકોને સાંધાનો દુખાવો હોય તેમણે જમ્યા પહેલા લસણ ખાવું જોઈએ. લસણ ખાવાથી ગઠિયા સંબંધિત દુખાવા ઓછા થાય છે. લસણને જમ્યા પહેલા ખાવાથી સાંધા સ્વસ્થ રહે છે.
5. લસણ પાચન એન્જાઈમનું ઉત્પાદન વધારે છે. જો જમ્યા પહેલા ત્રણ કળી લસણની ખાવામાં આવે તો જમ્યા પછી ભોજનનું પાચન સારી રીતે થાય છે. લસણ શરીરને ડિટોક્સીફાય કરે છે અને પોષક તત્વોનું અવશોષણ સારી રીતે થાય છે.
6. લસણમાં વિટામીન અને ખનીજ ભરપૂર માત્રામાં હોય છે જે રોગપ્રતિકારક ક્ષમતાને મજબૂત બનાવે છે. જમ્યા પહેલા લસણ ખાવાથી વાયરલ બીમારીઓ સામે લડવાની ક્ષમતા વધે છે.
7. લસણ હાડકાને મજબૂત બનાવવાનું કામ કરે છે. લસણમાં એવા પોષક તત્વો હોય છે જે હાડકાનું ઘનત્વ અને મજબૂતી વધારે છે. તેનાથી ઓસ્ટિયોપોરોસિસ જેવી બિમારી થવાનું જોખમ ઘટે છે.
8. લસણ માત્ર આંતરિક સ્વાસ્થ્ય માટે ફાયદાકારક છે તેવું નથી. જમ્યા પહેલા લસણ ખાવાથી ત્વચા ને પણ ફાયદા થાય છે. તેનાથી ત્વચાને નુકસાન કરતા તત્વોનો નાશ થાય છે અને ત્વચા ચમકદાર તેમજ હેલ્ધી બને છે.
9. જમ્યાની અડધી કલાક પહેલાં 3 કળી લસણની ખાઈ લેવાથી વજન ઘટાડવામાં મદદ મળે છે. લસણ બ્લડ શુગરને પણ કંટ્રોલ કરે છે. જમ્યા પહેલા લસણ ખાવાથી પેટ લાંબા સમય સુધી ભરેલું રહે છે અને વારંવાર ભૂખ પણ લાગતી નથી. જેના કારણે વજન ઝડપથી ઘટે છે.
