માસુમ ચૌધરી (અરવલ્લી સમાચાર)
મોડાસાના સુરપુર જીતપુર રોડ પર મહાદેવ ગ્રામ બાજુથી આવતાં પીક અપ ડાલાએ રોડ પર ચાલતાં રાહદારીઓને અડફેટે લેતાં જેમાં સુરપુની 12 વર્ષીય બાળકી ફાલ્ગુની મહેન્દ્રસિંહ મકવાણાને ટક્કર મારતાં ઘટનાસ્થળે મોત નિપજ્યું હતું. ડાલાના ચાલકે ડ્રાયવરે સ્ટિયરિંગ પરથી કાબુ ગુમાવતાં ડાલુ રોડ સાઇડમાં પલટી ગયું હતું. સ્થાનિકો દ્વારા જાણવા મળેલ માહિતી ડાલાએ અન્ય બે વ્યક્તિને પણ અડફેટે લીધા હતા. તેમજ ડાલાના ડ્રાયવરને ઇજાઓ પહોંચતા મોડાસા હોસ્પિટલમાં સારવારમાં ખસેડાયો હતો. મળતી માહિતી મુજબ ડાલુ મોડાસાના મોટી ચીચણો ગામનો હોવાનુ જાણવા મળ્યું હતું.
