માસુમ ચૌધરી (અરવલ્લી સમાચાર)
શામળાજીના અણસોલ પાસે આવેલી ગુજરાત રાજસ્થાન સરહદ ચેકપોસ્ટ પર શામળાજી પોલીસ વાહન ચેકિંગમા હતી. એ વખતે રાજસ્થાન તરફથી આવતી એક સેન્ટ્રો કારને ઉભી રાખી તપાસ હાથ ધરી હતી. જેમાં કારની આગળની હેડ લાઈટની અંદરના ભાગે ખાસ ખાનું બનાવેલું હતું અને તેમાં છૂટી છૂટી 26,960ની કિંમતનો દારૂ મળી આવ્યો હતો. જ્યારે બીજી એક બલેનો કારને ઉભી રખાવતા કારચાલકે કાર હંકરી મૂકી હતી. જો કે પોલીસ આવે એ પહેલાં બુટલેગર કાર મુકીને ભાગી જવામાં સફળ રહ્યો હતો. પોલીસે કારમાંથી 1.22 લાખની કિંમતનો 7 પેટી દારૂ ઝડપ્યો હતો. આમ બુટલેગરની કારની હેડ લાઈટમાં છુપાવીને નવી યુક્તિ સાથે લઈ જવતા દારૂ ઝડપી લેવામાં પોલીસને સફળતા પ્રાપ્ત થઈ હતી.
