ડોલરનો શોખ મોંઘો પડ્યો : આ દેશોમાં ભારતીય વિદ્યાર્થીઓને મળી રહ્યું છે મોત

છેલ્લા કેટલાક વર્ષોથી ભારતીયોને વિદેશમાં સ્થાયી થવાનો મોહ લાગ્યો છે. સારા ભવિષ્ય માટે લોકો વિદેશ જવા લાખો કરોડો રૂપિયા ખર્ચી રહ્યાં છે. પરંતુ વિદેશમાં વસીને ભારતીયો સલામત છે એવુ જરાપણ નથી. છેલ્લા કેટલાક દિવસોથી કેટલાક દેશોમાં ભારતીયોના મોતના ખબર આવી રહ્યાં છે. એક આંકડા મુજબ, વિદેશોમાં પાંચ વર્ષમાં 403 ભારતીય વિદ્યાર્થીઓના મોત નિપજ્યા છે. જેમાં સૌથી આગળ કેનેડા દેશ છે. કેનેડામાં જનારો ભારતીય વિદ્યાર્થીઓનો વર્ગ મોટો છે. ત્યારે આજે એ જાણી લો કે કયા દેશોમાં ભારતીય વિદ્યાર્થીઓના સૌથી મોત થઈ રહ્યાં છે. આ આંકડા પરથી આ દેશો ભારતીયો માટે અસલામત છે તેવુ કહી શકાય.

વર્ષ 2018થી અત્યાર સુધીમાં વિદેશમાં કુદરતી, આકસ્મિક કે બીમારી સહિત વિવિધ કારણોસર કુલ 403 ભારતીય વિદ્યાર્થીઓના મોત થયા છે. આ ખુલાસો કેન્દ્ર સરકારે લોકસભામાં કર્યો છે. જેમાં સૌથી વધુ કેનેડામાં 91 વિદ્યાર્થીઓના મોત થયા છે. જ્યારે અન્ય દેશોમાં પણ ભારતીય વિદ્યાર્થીઓના મોત થયા છે. જોકે વિદેશમાં ભારતીય વિદ્યાર્થીઓની સુરક્ષા, સુખાકારી માટે સરકાર સર્વોચ્ય પ્રાથમિકતા ધરાવે છે. સાથે જ વિદેશમાં વિદ્યાર્થીઓની કોઈપણ મુશ્કેલી હોય તો તેને સરકાર પ્રાયોરિટી બેઝિસ પર ઉકેલતી પણ હોય છે.